"Сәлиманың көктемі": Жаңа кітаптың тұсауы кесілді

qarmaqshy-tany.kz. Бүгін Ш.Төлепова атындағы аудандық мәдениет үйінде ақмылтық журналист, көсемсөз жорғасы, аудармашы, Қазақстан Республикасының Жоғарғы Соты Баспасөз  қызметінің басшысы болған Шәкизада Ізтілеуұлының 70 жылдығына арналған «Қаламына қанат біткен...» атты еске алу кеші өтті.

Шарада алғы сөз аудан әкімі Сұлтан Мақашовқа берілді.

–  Жүз жырауы жыр дестелеген қасиетті өңірдің дара ұрпақтары талантын танып, табына білген, бүгінгідей бақыт таңға куә еткен, белес биігін бағындырған аға ұрпақ алдында әрқашан да бас иеді. Осындай биік тұлғалардың бірі Шәкизада Құттаяқовтың қызметіндегі барлық жетістігі туған жерге, туған елге арналды, – деді ол.
Одан соң сөз кезегі Мемлекет және қоғам қайраткері, ауданның Құрметті азаматы Бақберген Досмамбетов пен ҚР Парламенті Мәжілісінің Әлеуметтік-мәдени даму комитетінің мүшесі, Филология ғылымдарының докторы, профессор Сауытбек Әбдірахмановқа беріледі.

Шара барысында Қазақстан Журналистер одағының мүшесі Заманбек Әбдешов пен телевизия саласының ардагері Тілеуқабыл Мыңжасарұлы естеліктерімен бөлісті. Кеш аудан өнерпаздарының концерттік бағдарламасымен әрленді. Одан соң «Сәлиманың көктемі» атты жаңа кітаптың тұсауы кесілді.

Айнұр ӘЛИ,
Қазбек ТАЙБАҒАРОВ (фото).