ҚР ТӘУЕЛСІЗДІК КҮНІНЕ ОРАЙ МЕМЛЕКЕТТІК НАГРАДАҒА ИЕ БОЛДЫ

Қызылорда қаласында Тәуелсіздік күніне орай өткізілген салтанатты шарада Қармақшы ауданының әкімі Мақашов Сұлтан Ысқақұлы «Ерен еңбегі үшін» төсбелгісімен марапатталды.

Сонымен қатар жерлесіміз «Тұрмағамбет» ЖШС басшысы Нұржан Пәрмантаевқа «Ерен еңбегі үшін» төсбелгісі табысталды.

Мерекелік шарада аймақ басшысы өңірдің әлеуметтік-экономикалық дамуының негізгі қорытындылары туралы айтты. Сонымен қатар, түрлі саладағы 48 адам Қазақстан Республикасының ордендерімен және медальдарымен, Құрмет грамоталарымен наградталды.

Сыр өңірінен шыққан үш азаматы "Қызылорда облысының Құрметті азаматы" атағына ие болды.

Олар - Қазақ ССР Балық шаруашылығы министрі қызметін атқарған мемлекет және қоғам қайраткері Құдайберген Саржанов, химия ғылымдарының докторы, профессор, Қазақстан мен КСРО еңбек сіңірген өнертапқышы, «Фосфор шламындағы фосфорды анықтаудың Бөкетов-Баешов әдісі» және «Ультрадисперсті мыс ұнтағын алудың Баешов-Жұрынов әдісінің» бірлескен авторы Әбдуали Баешов және республикалық қоғамдық-саяси «Айқын» газетінің бас редакторы, жазушы, журналист Нұртөре Жүсіп.