ТҰҢҒЫШ ПРЕЗИДЕНТ КҮНІНЕ АРНАЛҒАН САЛТАНАТТЫ ЖИЫН ӨТТІ

«Алаштың бағына біткен Перзент» атты видео прологпен басталған салтанатты шарада аудан әкімі Сұлтан Ысқақұлы Мақашов сөз алып, аудан тұрғындарын мерейлі мерекемен құттықтап, жылы лебізін білдірді. Сонымен қатар ауданымыздың әлеуметтік – экономикалық дамуына үлес қосып жүрген бірқатар азаматтарға аудан әкімінің алғыс хаттары табысталды.

Салатанатты шарада мемлекеттік қызметке орналасқан азаматтар Шарапатов Ғабидулла Әбдірайымұлы мен Басшыбаев Ғалымжан Шәкіманұлының ант қабылдау рәсімі өтті.

Мерекелік шара аудан өнерпаздарының арнайы дайындаған концерттік бағдарламасына жалғасты.