Ш.Төлепова атындағы аудандық мәдениет үйінде 8-наурыз Халықаралық әйелдер күніне арналған мерекелік салтанатты шара өтті. Шара барысында аудан әкімінің орынбасары Ә.Қошалақов аудандағы нәзік жандыларды айтулы мерекемен құттықтап ізгі лебізін білдірді.

Елбасымыз Н.Назарбаев «Кез келген мемлекеттің жеткен биігі, мәдениеті, оның әйелге деген көзқарасымен өлшенеді» – деп, әйел-азаматтың қоғамдағы орнын айрықша ашып көрсеткен болатын.

Жанға дауа болар – дәрігер, ұрпақ тәрбиелеген – ұстаз, ел экономикасын еселеп жүрген – кәсіпкер, бейнетінің зейнетін көріп отырған ардагер апалармен қатар, қоғам өмірінің барлық саласында жүрген қыз – келіншектер ауданның әлеуметтік – экономикалық дамуына өз үлестерін қосып келеді. «Батыр Аналарға» ауданымыздың дамуына елеулі үлес қосып әр салада қызмет атқарып жүрген бір топ қыз келіншектерге аудан әкімінің алғыс хаттары табысталып сый –сияпат жасалды.

Шарада Ресей Федерациясында Татарстанның Казан қаласында білім алып жатқан студент жастар мерекеге орай тікелей эфирде жылы лебіздерін білдірді. Сонымен бірге аудан өнерпаздарымен қатар қазақ эстрадасының жұлдыздары Ерболат Ержанбаев, «Мақсат» дуэті нәзік жанды аруларға ізгі тілектерін арнап мерекелік көңіл күй сыйлады.