"Smart аялдама" жобасы жүзеге асты

 Елбасы Н.Ә. Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты жолдауының 10 бағыты «Ақылда қала – ақылды ұлт үшін». Жолдау аясында Қызылорда облысының жастар саясаты мәселелері басқармасы «Жас Отан» Қоры» корпоративтік қорымен бірлесіп «Smart аялдамалар» және «Жолаушы жолға кітап ал!» жобасын жүзеге асырды.Жоба аясында қала тұрғындарының қозғалысы көп байқалатын аумақтардағы 15 аялдамаларға  еліміздің белгілі ақын, жазушыларының шығармалары электронды нұсқада қойылды. Яғни қала, тұрғындарына және қала жастарына қолжетімді. Шығармалары және еңбектері қойылған, ақын жазушыларымыз: Абай Құнанбаев, Мұхтар Әуезов, Сәбит Мұқанов, Мұқағали Мақатаев, Мағжан Жұмабаев, Бауыржан Момышұлы, Мұстафа Шоқай және т.б. Аталғанжазушылардың еңбектері кітап бейнесінде жасалып «Жолаушы жолға кітап ал!» атауымен,  қаламыздың теміржол және автовокзалдарына қойылды.