ЕЛБАСЫ ЖОЛДАУЫН ЖҮЗЕГЕ АСЫРУ МӘСЕЛЕЛЕРІ ТАЛҚЫЛАНДЫ
Ауданымызда Елбасының «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауының негізгі міндеттерін талқылауға бағытталған идеологиялық актив отырысы болып өтті.
Аудан активі жиынында «Нұр Отан» партиясының Қармақшы аудандық филиалының төрағасы, аудан әкімі Сұлтан Ысқақұлы Мақашов төртінші өнеркәсіптік революция – болашақ емес, бүгінгі күннің көрінісі екенін атап өтіп, жолдауд…ың басым бағыттарына тоқталып өтті.
Сондай-ақ, Жолдаудың ТОҒЫЗЫНШЫ бағыты - жемқорлықпен күрес және заңның үстемдігі бойынша атқарылған жүйелі жұмыстар мен алдағы міндеттер туралы «Нұр Отан» партиясының Қармақшы аудандық филиалы төрағасының бірінші орынбасары, аудандық мәслихат депутаты Д.Буханов, ЖЕТІНШІ бағыт – «Адами капитал – жаңғыру негізі» тақырыбы аясында Халықаралық «Қазақ тілі» қоғамы аудандық филиалының төрағасы Ә.Құлдүйсенов, Жолдау шеңберінде аграрлық саясат, еңбек өнімділігін түбегейлі арттыруға және өңделген өнімнің экспортын ұлғайтуға байланысты «Ақтөбе и К» ЖШС-гі төрағасы Н.Іздібаев баяндамалар жасады.
