«Төртінші өнеркәсіптік революция жағдайындағы дамудың жаңа мүмкіндіктері»

Бүгін ауыл әкімішілігінде Елбасымыз Н.Назарбаевтың Жолдауына арналған «Төртінші өнеркәсіптік революция жағдайындағы дамудың жаңа мүмкіндіктері» атты талқылау және түсіндіру мақсатында дөңгелек үстел болып өтті. Елбасының баршамызға үлкен жауапкершілік жүктейтін, келешекке бағыт – бағдар беретін негізгі құжатты ауыл тұрғындары арасында насихаттауға бағытталған дөңгелек үстелге мекеме басшыл…ары, ақсақалдар, әйелдер кеңесі және жеке кәсіпкерлер қатысты. Дөңгелек үстелді ауыл әкімі С.Есқалиева ашып берді.

Сонымен қатар, дөңгелек үстелде Елбасының Жолдауын жүзеге асырудан туындаған іс–шаралар жоспары таныстырылып, оған қатысты түскен ұсыныс–пікірлер сарапқа салынды. Дөңгелек үстелді қорытындылаған ауыл әкімі С.Есқалиева Елбасы Жолдауынан туындайтын негізгі міндеттер мен мақсаттарды іске асыруға өз үлесімізді қосып, мәдениетімізді, тарихи мұраларымыз бен тілімізді сақтап, Тәуелсіз еліміздің қарқынды даму жолында аянбай еңбек етуге шақырды.