ШАТТЫҚҚА БӨЛЕГЕН ШАРА

Жазғы маусым басталғалы балалардың қуанышында шек жоқ. Бірі – ата-әжесіне асықса, бірі – қалаға қыдырып, уақытын тиімді өткізуде. Ал, енді бірі – мектеп жанындағы тынығу лагерінде алаңсыз демалуда.

Жақында  мектеп директоры Б.Алмаған­бетов, ауылдық ардагерлер кеңесінің төрағасы Ө.Сәденов, ата-аналар комитетінің төрағасы К.Байғараев, ауылдық округінің бас маманы К.Берденова, сондай-ақ ата-аналар мен лагерь бастығы Қ.Сәденовтің қатысуымен Ақтөбе ауылындағы №109 орта мектеп жанынан құрылған «Балдырған» күндізгі тынығу лагерінің ашылу салтанаты өтті.

Оны лагерь үйлестірушісі Қ.Мерекова ұйымдастырса, мектеп түлегі кәсіпкер Б.Еш­мұратов, Б.Есенов мерекеге орай балаларға ойыншық тарту етті. Мұнан бөлек, «Оңталап» ШҚ төрағасы Ә.Аралбаев пен «Ақтөбе и К» ЖШС төрағасы Н.Іздібаев демалушыларға тәттілер үлестіріп, балдырғандардың көңілін аулады.

Демалыс маусымында Н.Ақынбекова, Г.Тілеуова секілді тәрбиешілер лагерьдің қызықты өтуін қамтамасыз етеді.