Биыл Үсен Томанов атындағы №183 орта мектеп жанынан ұйымдастырылған «Балауса» жазғы тынығу лагерінде үшінші топта 20 бала өз демалысын тиімді өткізуде.
Балалардың бос уақыттын тиімді пайдалануда лагерь басшысы Гүлмира Жақпанова бастаған ұстаздар, яғни тәрбиешілер Ләйлә Шепенова, Алтынай Әбдірахманова, психолог Гүлназ Нұрланқызы мен денешынықтыру маманы Жазира Алтынбаевалар түрлі байқау мен диспут, спорттық ойын мен танымдық шаралар өткізсе, лагерь медбикесі Айдана Тоқшылықова балалардың денсаулығын жан-жақты қадағалап, саламатты өмір салтын қалыптастыруға жұмыс істеуде. Сондай-ақ,  лагерь аспазы Бақыт Төребаева дайындаған дәмді астан дәм татып, балалар лагерьдегі күндерін қызықты өткізуде.
– Мектеп жанынан ұйымдастырылған  «Балауса» тынығу лагерінде үшінші паток бойынша 20 бала  тынығуда. «Лагерь ару-2018» қыз сыны байқауы, «Біз бақытты баламыз» атты ән-би марафоны мен «Мен суретшімін» асфальтка сурет салу сайысы, Астана қаласының 20 жылдығына байланысты «Тәуелсіз Қазақстан – туған елім» атты патриоттық ән байқау және басқа да шара өткізіп, үздіктерді  марапаттадық. Балалар лагерьде өзін еркін сезініп, жақсы дем алуда, – дейді лагерь тәрбиешісі Ләйлә Шепенова.