АСТАНА – ӘСЕМ ҚАЛА

Жақында А.Жанпейісов атындағы  №105 мектеп-лицейдің «Балдырған» күндізгі тынығу лагерінде Астананың 20 жылдық,  Қызылорда қаласының 200 жылдық мерейтойына арналған «Астана – әсем қала», «Рәміздерім – мақтанышым», «Қасиетті Қармақшым» тақырыптарында сурет, эссе байқауы өтті.
Түрлі іс-шараларға атсалысқан лагерь тынығушылары саяхатқа шығып, өңірдің тарихи орындарымен танысты.
– Лагерьге директордың тәрбие ісі жөніндегі орынбасары Г.Бакирова жетекшілік етсе, аға тәлімгер А.Айтбаева, тәрбиешілер М.Орынбаева, Г.Байменова, М.Тұяқбаева, Ж.Қалтаевалар демалушылардың әр күнін қызықты өткізуге жұмыс істеуде. Сондай-ақ, балалар үнемі медбике А.Байқазақованың бақылауында, – дейді мектеп директоры Г.Мұнарбаева.   
Байқаудан үздік нәтиже көрсеткен балалар марапаттарға ие болды. Олардың әрбір күні қызықты өтуде.