Т.Көмекбаев атындағы №250 мектеп-лицей жанынан құрылған «Улыбка» күндізгі лагерінің ашылу салтанаты өтті. Мерекелік шараның халықаралық балалар қорғау күнімен сәйкес келуі де тегін емес. Елбасы айтқандай «Балалар біздің жарқын болашағымыз, өміріміздін жалғасы». Сондықтан да әр баланың балалық шағының бақытты болуына әрбір ата ана, әрбір ұстаз жауапты. Олардың әр күнін мерекеге айналдыру біздің міндетіміз. Салтанатты шараны мектеп директоры Г.Еркебаева мен Қармақшы аудандық «Нұр Отан» партиясы филиалының 1-ши орынбасарының уақытша міндетін атқарушы Г.Кубекова жас жеткіншектерге жазғы демалыстарын қуанышты сәттермен толтыруларына тілектестик білдірді. Мерекелік шарада балалардың көңілдері көтеринки болып, жүздері қуанышқа толды. Салтанат соңында балаларға тәтті балмуздактар таратылды. Жəне де мектеп-лицей жанындағы "Балапан" шағын орталығы бүлдіршіндеріде мерекені тойлады. Топтарда ертеңгіліктер болып, балалар əн салып, би биледі. Балалармен қызықты ойындар ұйымдастырылып, асфальтқа суреттер салды. Бір топ бүлдіршіндер аудандық іс-шарада өнер көрсетті.