ИГІЛІКТІ ІС
"Халықаралық балаларды қорғау күні" мерекесіне байланысты Тұрмағамбет ауылында біршама шаралар өтті. №8 "Қызғалдақ" балабақшасында "Бақытты балалық шақ" тақырыбымен ертеңгілік, №29 мектеп жанынан балалардың жазғы тынығу лагерінің ашылу салтанаты өтті. Мерекенің құрметіне Тұрмағамбет ЖШС директоры, Аудандық мəслихат депутаты Н.Пірмантаев балабақшадағы балалар мен лагерьде демалатын балаларға тəттілер таратып(балмұздақ, торт) балаларды бір қуантып тастады. Сонымен бірге Нұржан ағамыздың демеушілігімен он алты балалар мен жасөспірімдер спорт мектебінің ұйымдастыруымен қазақ күресінен жарыс өтті. Жарысқа қасушы палуандарды Н.Пірмантаевтың демеушілігі атынан Алғыс хат жəне қаржылай сыйлықпен марапатталды. Жарысты ұйымдастырған Д.Қазыбаев пен Н.Өндібаевтар "Халықаралық балалар күні" мерекесіне үлкен мəн беріп, осындай жарысты ұйымдастыруға демеушілік жасаған Пірмантаев Нұржан ағамызға алғыстарын білдірді. Жақсы бастамалар жалғаса берсін ағайын, балалар біздің келешегіміз, қоғамның болашағы.
