ҚАЗІР ЕЛІМІЗДЕ САЯСИ НАУҚАН. ҚАЗАҚСТАНДЫҚ ӘРБІР АЗАМАТ ҚР ПРЕЗИДЕНТІ САЙЛАУЫНЫҢ ӘДІЛ ӘРІ АШЫҚ ӨТКЕНІН ҚАЛАЙДЫ. ОСЫ РЕТТЕ САЙЛАУҒА МОНИТОРИНГ ЖАСАЙТЫН «АМАНАТ» АЗАМАТТЫҚ ПЛАТФОРМАСЫ ҚҰРЫЛДЫ. БҰЛ – ЖАУАПТЫ КЕЗЕҢНІҢ ӘДІЛ ДЕ АШЫҚ ӨТУІНЕ МҮДДЕЛІ ҚАЗАҚСТАН АЗАМАТТАРЫНЫҢ ТӘУЕЛСІЗ ЕРІКТІЛЕР ҚАУЫМДАСТЫҒЫ.

«Айқын» мейрамханасында «Аманат» сайлауға бақылау жүргізу жөніндегі аза­мат­тық платформасы аясында тәу­ел­сіз ба­қылаушыларға арналған се­минар-тре­нинг өтті. Шараны плат­форманың аудан бойынша же­текшісі Төрехан Байғабылов жү­ргізді.

Семинарда «Аманат» Азаматтық платформасының негізгі бағыттары жөнінде» Қызылорда облысы бойынша «Аманат» АП өкілі презентация жасаса, «Аудан бойынша «Аманат» АП қа­тысушыларының өзара әрекеттесуі» тақырыбында «Аманат» АП өкілі Изадилла Нарзилдаев, Жосалы кенті ардагерлер кеңесінің төрағасы Жақсыбай Жәкеев, халықаралық «Қазақ тілі» қоғамы ау­дандық филиалының төрайымы Гүл­жауһар Раевалар хабарлама жасады. Сол се­кілді Қызылорда облысы бойынша «Аманат» АП капитаны Гүлсім Есбосын, аудан бойынша мобильді капитандар Гүлнар Бисенқұлова, Гүлнұр Қадірова, Гауһар Ұлықпановалар мобильді ка­пи­тандарға трениг өткізіп, сұрақтарға жауап берді.

– Семинар-тренинг модулі ха­лықаралық талаптарға және тә­жірибеге сүйене отырып, бақылаушылардың міндеті мен мақсаты түсіндірілді. Семинар – сайлау туралы құқықтық талаптарға сай ақпарат беруді, сайлау­шылар мен ба­қылаушылардың міндеттерін құқықтық негізде түсіндіруді, жергілікті сайлау комиссиясымен өзара бірлескен іс-қимылдар жасауға үйретуді көздейді. Жалпы платформа 5 бағытқа негізделген: теңдік, саналы таңдау, әділдік, келісім, сенім. Осы бағыттар ар­қылы халықаралық ұйымдар, ОСК, жергілікті сайлау комиссиясы, Жоғарғы Сот, жергілікті атқарушы орган, Бас Прокуратура, кандиттардың сайлауалды штабы, азаматтық және ғылыми-сараптамалық орталықтар өкі­лі­мен әріптестік орнатылмақ, – дейді семинардың модераторы Т.Тілеубайұлы.