Жосалы кенті әкімдігінде сыбайлас жемқорлыққа қарсы іс-қимыл мәселелері бойынша азаматтық бастамалар кеңесі өткізілді. «Адал жол – честный путь» марафоны аясында өткізілген жиынның мақсаты – сыбайлас жемқорлыққа қарсы іс-қимыл мәселелері бойынша азаматтық бастамаларды көтеру, азаматтық позицияны білдіру, жемқорлыққа қарсы тұрудағы азаматтық қоғамның белсенділігін арттыру болып табылады. Азаматтық бастамалардың аудандық кеңесін арнайы мониторингтік топтың төрағасы Ә.Құлдүйсенов жүргізіп отырды. Шара барысында сөз алғандар аудан әкімінің орынбасары Ә.Қошалақов, аудандық мәслихат хатшысы М.Наятұлы, «Жастарды ресурстық орталығы» басшысы М.Ибраев, Қармақшы ауданының мемлекеттік сатып алу бөлімінің басшысы А.Жалғасбаев, «Нұр Отан» Партиясы Қармақшы аудандық филиалының консультанты Г.Жалелова сөз сөйлеп ой-пікірлерін ортаға салды. Сонымен бірге жиын соңында Жосалы кенті ардагерлер кеңесінің төрағасы Ж.Жәкеев, «Ұлт бірлігі - Қармақшы» қоғамдық бірлестігінің төрағасы Ш.Құндақбаев арнайы мониторингтік топ мүшелеріне сұрақтарын қойып, тұщымды жауаптарын алды. Азаматтық бастамалардың аудандық кеңесінің соңында қатысушыларға Қазақстан Республикасының мемлекеттік қызметшілерінің Әдеп кодексі таратылды.