Жосалы кентіндегі жастар ресурстық орталығында аудандағы үкіметтік емес ұйымдар мен қоғамдық бірлестіктер өкілдерінің қатысуымен еркін форматта кездесуі өтті.
Шараға аудан әкімінің орынбасары Е.Меңлібаев «Қызылорда облысының Азаматтық альянсы» Қауымдастығының төрағасы Жандос Базартай, облыстық «Жас Ғалымдар Альянсы» қоғамдық бірлестігінің президенті Ғани Байұлы қатысты.
Отырыс қорытындысы бойынша үкіметтік емес ұйымдар мен қоғамдық бірлестіктердің өкілдері азаматтық сектордың қызметін жақсарту жөнінде бірқатар ұсыныстар айтылды.
Сонымен бірге үкіметтік емес ұйым өкілдерінің қатысуымен өткен жалпы жиналыста Астана қаласында өтетін форумға ұсынылған кандидатты бірауыздан қолдап, дауыс берді.
Форумға ауданымыздан Жосалы кенті «Ардагерлер кеңесінің» төрағасы Ж.Жәкеев пен «Ұрпақтан ұрпаққа» қоғамдық бірлестігінің төрайымы Ү.Махамбетова ұсынылды.