"Отан қорғау баршаның борышы" атты әскери - патриоттық сайыс

Қазақстан Республикасы Қарулы күштерінің 27 жылдығы мен Ұлы Жеңістің 74 жылдығына орай қалалық ішкі саясат бөлімінің қалалық «Жастар ресурстық орталығы» КММ-сі және 5547 әскери бөлімінің ұйымдастыруымен жалпы білім беретін мекемелердің жоғары сынып оқушылары арасында "Отан қорғау баршаның борышы" атты әскери патриоттық сайыс ұйымдастырылды.

Сайысқа Қызылорда қаласындағы 10-ға жуық жалпы білім беретін мектептердің жоғары сынып оқушылары өтінім білдіріп, қатысты.

Сайыстың басты мақсаты әскери қызмет туралы қала жастары арасында оңтайлы көзқарас қалыптастыру, жастарды Отанға қызмет етуге әркез дайын болуға шақыру және отансүйгіштікті қалыптастыру. Сонымен қатар, байқауға қатысушы жастардың өзін-өзі танытуына жағдай жасау, қабілетін дамыту және өзін-өзі көрсету арқылы тәжірибесін арттыру және армия қызметінің мәртебесін арттыру болып табылады.

Сайыс келесідей кезеңдер бойынша өтті:

• Әскери саптық шеру (ән айту);

• Автоматты шашып, жинау;

• Кедергілер арасынан өту; 

• Граната лақтыру;

• Турникке тартылу.

Үздік деп танылып, жеңіске жеткен қатысушылар әр кезеңдер бойынша және топтық есеппен арнайы ұйымдастырушылар тарапынан алғыс хат, дипломдармен және бағалы сыйлықтармен марапатталды.