Әскери қызмет - абыройлы міндет

Қармақшы аграрлы-техникалық колледжінде БӘД пәнінің оқытушысы Н.Сержановтың ұйымдастыруымен студенттер бойына патриоттық сезімін қалыптастыру, отанға адал қызмет етуге, әскери борышын адал атқаруға, әскери мамандыққа қызығушылығын арттыру мақсатында «Әскери қызмет - абыройлы міндет» тақырыбында кездесу кеші өткізілді. Кешке колледж директоры И.Айекенов, Қармақшы ауданы қорғаныс істері жөніндегі бөлімі бастығы подполковник Н.Қайрлапов қатысты.

Кездесу кешінде студенттерге әскери оқу орындарына түсу, отан алдындағы борышын адал атқару жөнінде мәлімет берілді

Кеш барысында ІІ курс студенті Г.Тимурқызы «Отан ана», І курс студенттері А.Нұрғалиева, Ж.Мұхамедиярова, Н.Өмірхановалар «Сарбаздар» әнін шырқап, «Отан қорғау-басты міндет» тақырыбында әдеби-музыкалық монтажы қойылды.

Кешті Колледж директоры И.Айекенов қорытындылап келген қонақтарға алғысын білдірді