Қармақшы аудандық сотында семинар сабағы өткізілді

Қармақшы аудандық сотында аудандық полиция бөлімінің тергеушілерінің қатысуымен нәрселерді және құжаттарды алуды, мүлікке тыйым салуды санкциялау мәселелері бойынша семинар сабағы өткізілді.

Семинар сабағын аудандық соттың төрағасы Д.Кентбаев ашық деп жариялап, күн тәртібі бойынша тергеу судьясының өкілеттілігіне жатқызылған нәрселерді және құжаттарды алуды, мүлікке тыйым салуды санкциялау кезінде тергеу судьясы тергеліп жатқан қылмыстық іске тікелей қатысы бар құжаттар мен нәрселерді, қай уақыт аралығындағы құжаттар алынуы керектігін, тізім бойынша нақты қандай құжаттар алынуға жататынын, компьютерлерді алу кезінде не себепті толық жүйелік блок алынатынын тексеруі қажеттігін, алынатын құжаттардың мемлекеттік немесе заңмен қорғалатын құпия екендігіне баға бере отырып алуға санкция берулері қажет екендігін басты назарда ұстау қажет екендігіне тоқталып өтті.

Семинар сабағының соңында қатысушылар өзара пікір алмасып, азаматтар мен кәсіпкерлердің заңмен белгіленген құқықтары мен бостандықтарын қамтамсыз ету жолында бірлесе жұмыс атқару қажеттілі айтылды.