31 наурыз 2018 жылы Байқоңыр қалалық сотында Қызылорда облыстық сотының оқу орталығының Батыс аймағы бойынша судьялары арасында семинар сабағы болып өттi. Бектiлген күн тәртiбiне сәйкес Қазалы аудандық сотының төрағасы Мұратбекұлы Дидар Сот үкiмi туралы ҚР Жоғарғы Сотының нормативтiк қаулысы бойынша түсiндiрме жасады, Қармақшы аудандық сотының судьясы Алибекова Лаура Оңайлатылған iс жүргiзу тәртiбiмен азаматтық iстердi қарау ерекшелiктерiне тоқталды, Байқоңыр қалалық сотының судьясы Iзтелеуова Асыл Әкiмшiлiк жазалардың жекелеген түрлерiн орындау тәртiбi бойынша баяндама жасады. Семинар барысында қатысушылар баяндамалар бойынша өз пiкiрлерiн бiлдiрiп, қызу пiкiр талас болды, сонымен қатар семинар соңында Байқоңыр қаласының тарихи көрiктi жерлерiмен танысу жасалды.