Қызылорда облысының қоғамдық-саяси тарихының мемлекеттік архиві және Қызылорда облыстық сотының ұйымдастыруымен 1-наурыз Алғыс айту күніне орай «Үш би» төсбелгісінің иелері облыстық сотының ардагерлерінің қатысуымен кездесу өткізілді.
Кездесуге Қызылорда облыстық соттың ардагерлері, қызметкерлері, Қорқыт Ата атындағы Қызылорда мемлекеттік университетінің студенттері, архив қызметкерлері және БАҚ өкілдері қатысты.
Іс-шараны ашқан Қызылорда облыстық сотының төрағасы Нұрышев Қамбар Жұмабайұлы кіріспе сөз сөйлеп, облыстық сот саласының ардагерлеріне Алғыс хат табыстады. «Үш би» төсбелгісін иеленген ардагер судьялардың қызмет жолдары туралы облыстық соттың судьясы М.М.Ахметов баяндама жасады.
Кездесу барысында Қызылорда облысының қоғамдық-саяси тарихының мемлекеттік архивінің басшысы Г.Ахметова Ұлттық архив қорында сақталған жеке тектік құжаттарына тоқталып, Ұлттық архив қорындағы «Сыр елінің сот билігі» коллекциясына облыстық соттың «Үш би» төсбелгісінің иегерлері, ардагер судьялар Аманкелді Ануарбекұлы, Имандосов Мырзамұрат, Сариев Бақтыбай, Шыңғысова Ғалия Шакетқызының құжаттарын архив қорына салтанатты түрде қабылдады.
Кездесу соңында облыстық сот ардагерінің төрағасы Аманкелді Ануарбекұлы жастарға адалдық пен әділдік, жауапкершілікпен отандық патриотизм рухында жылы лебізін білдіріп, сөз сөйледі.