Қармақшы аудандық сотында Қызылорда облыстық сотының оқу орталығының Батыс аймағы бойынша судьяларының арасында семинар сабағы өтті.

Семинарға Қармақшы, Қазалы, Арал аудандық және Байқоңыр қалалық сотының судьялары қатысты.

Семинар сабағының барысында «Қылмыстық істер бойынша жаза өтеуден шартты түрде мерзімінен босату» тақырыбында Арал аудандық сотының судьясы Г.Нұрымбетова, «Азаматтық істер бойынша оқу мерзіміне алимент өндіру мәселелері» бойынша Қазалы аудандық сотының төрағасы Д.Мұратбекұлы, «Әкімшілік қамаққа алу және орындау ерекшеліктері» тақырыбында Байқоңыр қалалық сотының судьясы Е.Шевцова кеңінен баяндап өтті.

Сонымен қатар, семинар сабағының аясында судьялар «Татуласу: сотқа дейін және сотта» жобасы аясында Белоруссия елі сарапшысының қатысуымен «Медиация жүргізудің өзекті мәселелері, тәсілдері» тақырыбында өткізілген семинар-тренингтің материалдарымен танысып, өзара пікір алмасты және өз іс тәжірибелерінде орын алған мәселелермен бөлісті.

Семинарға қатысушы судьялар семинар соңында Қармақшы ауданында орналасқан сәулет өнерінің айрықша үлгісі болып табылатын Қорқыт ата мемориалдық кешенінде болып, кешен жанынан ашылған мұражаймен танысты. Мұражай экспозициясында Қорқыт ата өмір сүрген дәуірдің тарихы мен мәдениеті жайлы мәліметтермен танысып шықты.

Қайнар:

Қармақшы аудандық сотының баспасөз қызметі