Ерте жастан некеге тұрудың заңсыздығы және оған жол берілмейтіндігі туралы аудандық орталық кітапханада аудандық ішкі саясат бөлімі, аудандық білім бөлімі мен денсаулық сақтау саласының мамандары, батыр аналар, психологтар, қоғамдық ұйым өкілдері мен белсенді жастардың қатысуымен дөңгелек үстел өтті.

Аталмыш тақырып аясында аудандық әйелдер кеңесінің төрайымы Гүлжауһар Раева өз сөзінде ерте жастағы және күштеп қиылатын некелердің алдын - алудың өзектілігі туралы айта келе, ерте жастағы некелер шын мәнінде заңға қарама-қайшы екендігіне тоқталды.

Отырысқа қатысушылар арасында аталмыш тақырып қызу пікір таласқа ұласты.

Білім беру ұйымдарымен бірлесе отырып отбасылық тәрбиенің жауапкершілігін арттыруда қоғамдық ұйым өкілдері мен діни институттарды тартып, ерте жастан, оның ішінде этномәдениетке және діни дәстүрге негізделген ерте жастан некеге тұрудың заңсыздығы және оған жол берілмейтіндігі туралы түсіндіру жұмыстарын жүргізіп, үнемі назарда ұстау қажеттілігі жайлы айтылды.