"САУ БОЛУ-СӘНДІ" акциясы

Амбулаториялық-емханалық қызметі бар Қармақшы аудандық орталық ауруханасында 7 сәуір Дүниежүзілік денсаулық күніне орай «Сау болу – сәнді!» ұранымен апталық жарияланып, ашық есік күндері өткізілді. Осыған орай Қармақшы аудандық халыққа қызмет көрсету орталығында тұрғындар арасында кең ауқымды акция өткізілді. Акция барысында Жастар денсаулығы орталығы, салауатты өмір салтын қалыптастыру орталығының мамандары, қоғамдық денсаулық сақтау басқармасының мамандары, аудандық спорт бөлімі мамандары және аудандық емхананың профилактикалық алдын алу бөлімінің мамандары қатысып, кент тұрғындары арасында санитарлық-ағарту жұмыстарын жандандыру мақсатында аурулардың алдын алу туралы мәліметтер беріп, түсіндірме жұмыстарын жүргізді. Сонымен қатар акция аясында «денсаулық қалашығы» ұйымдастырылды: қандағы қант, холестирин құрамын, қан қысымын өлшеніп, дәрігер кеңесі берілді