ТУБЕРКУЛЕЗБЕН ҚОҒАМ БОЛЫП КҮРЕСЕЙІК

Ақтөбе ауылындағы №109 орта мектебінде директордың тәрбие ісі жөніндегі орынбасары Қ.Сәденовтің ұйымдастыруымен дүниежүзілік туберкулезге қарсы күрес айлығына орай акция өтті.

Оған аудандық емхананың туберкулезге қарсы күрес диспансерінің фтизиатор-дәрігерлері А.Дүзімбетова, А.Серікбаева, қоғамдық денсаулық сақтау бөлімінің маманы С.Сайлыбаева, аудандық салауатты өмір салтын қалыптастыру кабинетінің маманы М.Бержанова қатысты.

Мектеп медбикесі Г.Башенова «Туберкулез – қатерлі дерт» тақырыбында баяндама жасаса, жоғары сынып оқушылары арасында «Біз туберкулезге қарсымыз» атты сурет байқауының нәтижесі шығарылды. Қорытындысында 8 сынып оқушысы Д.Тұрақов, 9 сынып оқушысы Д.Жұбан, 9 сынып оқушысы М.Мекманова жүлделі орынмен марапатталды. Шарада Н.Акинбекова, Е.Бодықов, Қ.Мерекова тренинг, спорттық сайыс өткізді.

Қазылар алқасының шешімімен І орын А.Жансейтов, ІІ орын Ә.Садықов, А.Садықов, ІІІ орын Е.Бодықов және Ж.Байзақовқа берілді.