Көшпелі қоғамдық қабылдау болып өтті
«Нұр Отан» партиясы Қармақшы аудандық филиалы төрағасының бірінші орынбасары Д.Буханов, аудандық Әділет басқармасының басшысы Н.Асанова, аудандық жер қатынастары бөлімінің статист маманы Ә.Игенбаев, Қызылорда облысы, Қармақшы ауданы әкімдігінің жұмыспен қамту орталығы КММ-нің атаулы әлеуметтік көмек бойынша ассистенті Ф.Камшиевалардың қатысуымен амбулаториялық емханалық қызметі бар Қармақшы аудандық орталық ауруханасында, Әлеуметтік төлем…дерді ведмоствоаралық есептеу орталығы департаменті Қармақшы аудандық бөлімшесінде, аудандық аумақтық инспекцияда көшпелі қоғамдық қабылдау болып өтті. Қабылдауда болған кент тұрғындарының 18 жасқа дейінгі балаларға берілетін жәрдемақы туралы, зейнеткерлерге банкте көрсетілетін қызмет түрлеріне жеңілдік беру мәселелеріне байланысты, туу туралы куәлікте есімін өзгертуге байланысты, тұрғын үйді құжаттандыру мәселелеріне байланысты қойылған сұрақтарға сала басшылары мен мамандары тиісті жауаптары мен заңгерлік кеңестерін берді. Сонымен қатар қабылдау барысында амбулаториялық емханалық қызметі бар Қармақшы аудандық орталық ауруханасының бас дәрігері Ж.Құдайбергенов, аудандық аумақтық инспекция басшысы Қ.Тиыновтар өз ұсыныстары мен пікірлерін білдірді.
