» » МОНОПОЛИСТЕР МӘСЕЛЕСІ ҚАРАЛДЫ

МОНОПОЛИСТЕР МӘСЕЛЕСІ ҚАРАЛДЫ


«Нұр Отан» партиясының парла­мент­тік фракциясы жанындағы Өңір­лік саясат және мәслихаттармен жұ­мыс жөніндегі кеңестің отырысы өтті. Оған ел Президентінің биылғы Жолдауы және VI шақырылымдағы Парламенттің III сессиясының ашылуында берген тапсырмаларын орындау аясында «Астана қаласында тарифтерді белгілеу: проблемалары және шешу жолдары» тақырыбы арқау болды.  
Жиынға «Нұр Отан» фракциясының бас­шылары, Мәжіліс депутаттары, Ұлттық экономика министрлігінің және Астана әкімдігі мен мәслихатының өкілдері қатысты.
Отырыста айтылғандай, тұрғын үй-ком­муналдық шаруашылық саласына инвестицияларды тарту бойынша ау­қымды жұмыс 2015 жылдан бастап, та­биғи монополия субъектілерін шекті та­рифтер бойынша қызмет көрсетуге көшіру арқылы жүргізіледі. Бүгінгі таңда субъектілердің 95 пайызы немесе бар­лығы 307 табиғи монополист ұзақ­мер­зімді шекті тарифтерге ауысып болды. Енді 15 субъектінің көшуі қалып тұр: Қа­ра­ғанды облысында – 7 субъекті, ШҚО-мен Алматыда – 2 субъектіден, Ас­та­нада, БҚО, ОҚО, Ақмола облы­сын­да – бір-бір субъектіден.
Инвестициялық бағдарламасының болуы – монополистің шекті тарифтерін бе­кітудің міндетті шарты. Оның инвес­тиция­лық бағдарламалары тиісті сала­лық мемлекеттік және жергілікті атқару­шы органдармен бірлесіп бекітіледі. Сол шекті тарифтер шеңберінде табиғи мо­нополиялар салаларында 2015-2021 жылдары 2,2 трлн теңге инвестиция са­лынады деп күтілуде. Оның ішінде тұр­ғын үй-коммуналдық шаруашылық са­ласына тартылатыны шамамен 855 млрд теңгені құрайды.
Жылу энергиясы саласында 2021 жыл­ға дейін 500 шақырымнан астам жы­лу желілерін салу, реконструкциялау жә­не жаңғырту жоспарланды. Су шаруа­шылығы жүйелері саласында осын­дай мерзімде 700 шақырымнан ас­там су құбыры мен кәріз желісін салу, ре­конструкциялау және күрделі жөндеу жос­парланып отыр.
Электр энергетикасы саласында ин­вестициялар 1 мың 326 шақырым электр желісі мен 1 мың 194 дана ке­шенді трансформаторлық қосалқы с­танса салу­ға және жаңғыртуға, 24 мың ша­қы­рымнан астам электр желісін ре­конструк­циялауға, 13 мың шақырымнан астам электр тарату желілерін күрделі жө­ндеуге бағытталады.
Сонымен қатар Ұлттық экономика ми­нистрлігі халықаралық сарапшы­лар­ды тарта отырып, одан ары инвестиция­лар тарту мақсатында тариф белгілеу әдіс­терін жетілдіру бойынша жұмысты тұрақты негізде жүргізеді.
Астана қаласында сумен жабдықтау және су бұру қызметтерін «Астана су ар­насы» МКК (мемлекеттік коммунал­дық кәсіпорны) көрсетеді. 2015 жылы «Астана су арнасы» 2016-2020 жылдарға арналған шекті тарифтерді бекітті. Оған сәйкес, бас қалада ауызсудың орташа босату тарифі – 86,79 теңге/текше метр, оның ішінде халық үшін – 41,26 теңге/тек­ше метр, жылу энергиясын өндіру, беру және тарату бойынша қызмет көр­сететін кәсіпорындар үшін – 130,18 тең­ге/текше метр, бюджеттік ұйымдар үшін – 180,11 теңге/текше метр, заңды тұл­ғалар және өзге тұтынушылар үшін – 180,11 теңге/текше метр.
Бекітілген шекті тарифтер шеңбе­рін­де 6,5 млрд теңге сомасында инвес­тиция­лық бағдарламалардың іс-шара­ларын іске асыру көзделді.
 
Айхан ШӘРІП
27 қаңтар 2018 ж. 952 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031