«Нәтижелі жұмыспен қамту және жаппай кәсіпкерлікті дамыту» бағдарламасының іске асырылуы – кәсіпкерлік негізде несие алу және оқу арқылы өз бизнесін ашу үшін жағдай жасауды көздейді.

2017 жылы «Бастау-Бизнес» жобасымен 15 мыңнан астам адам қамтылды. Олардың барлығы оқудан өтті. Соның ішінде шамамен 3,3 мың адам шағын несиелер алды. Бұл туралы Еңбек және халықты әлеуметтік қорғау министрлігінің баспасөз қызметі хабарлады.

Бүгінгі таңда шағын несиелеудің ауқымы кеңейіп, ауыл тұрғындарымен қатар қалалық азаматтардың да бұған мүмкіндіктері бар.

Несиенің шекті көлемі 18 млн теңгеге дейін ұлғайтылды. Мерзім 5 жылға дейін, ал егер мал шаруашылығы немесе ауыл шаруашылық кооперативтерін құру кезінде бұл 7 жылға дейін ұзартылды.

Жалпы алғанда, 2017 жылы 7 000 жуық шағын несие беріліп, 57%-ы немесе 4000 астамы өз бизнесін бастады (стартап-жобалар).