«ҰЛЫ ДАЛАНЫҢ ЖЕТІ ҚЫРЫ» - ЕЛ РУХЫН КӨТЕРГЕН МАҚАЛА
Бүгін «Қармақшы орман және жануарлар дүниесін қорғау жөніндегі мемлекеттік мекемесі» КММ-де Елбасымыз Н.Ә.Назарбаевтың «Ұлы даланың жеті қыры» атты мақаласының басты бағытын түсіндіруге және талқылауға арналған отырыс болып өтті.
Мақаланың мәнін түсіндіру мақсатында мекеме басшысы Дастан Өтеуов және директордың орынбасары Сайранбек Назаров сөз алып, «Ұлы даланың жеті қыры» мақаласының маңыздылығына тоқталып өтті.
Ел басының Ұлы даланың мұрасы ұлықталған мақаласында мәселен, атты қолға үйрету осыдан бес мың жыл бұрын қазіргі Қазақстан жерінде біздің елде басталғанын археолог ғалымдар зерттеу жұмысы барысында дәлелденді. Сондай-ақ Сыр бойының өзінде үш мыңнан астам сәукеленің, Есік қаласынан «Алтын адам» бейітінің табылуы, көшпенді халықтың кенді қорытып алтын, мыс, қола секілді металдардан құрылымы күрделі бұйымдарды жасай алуы қазақ ұлтының мәдениеті, тарихы мыңдаған жылдар бұрын басталғанын дәлелдейді. Сондықтан бұл мақала ұлы өркенниеттің мұрагері екенімізді еске салып, тарихты өскелең ұрпаққа, әлемге таныту мақсатында нақты міндеттер жүктейді. Ал мұрамызды түгендеп, жарыққа шығару бүгінгі күннің міндеті екенін айта келе мекеме басшысы Дастан Өтеуов ұжымды мақалада айтылған ұлттық құндылықтарды ұлықтаумен руханият өрісін одан әрі жаңғырту жолында бір кісідей ат салысуға шақырды.
