Ақжар ауылындағы думанды той
Ақжар ауылындағы думанды тойдың екінші күні конференциямен басталған мерекелік шарадан соң халық орталық алаңда ауыл тұрғындарының игілігіне пайдалануға берілген орталық алаңның ашылу салтанатын тамашалады. Салтанатта аудан әкімі С.Мақашов құттықтау сөз сөйлеп, Еңбек Ері, Батыр Ана Сәлима Жұмабекова, профессор Темірхан Тебегенов, ауылдың Ақсақалдар кеңесінің төрағасы Тұрабай Сәметовпен бірге алаңның лентасын қиды.
Содан соң мерекелік шараға қатысушылар жаңадан ашылған алаңдағы сахнада аудандық мәдениет үйінің режиссері Ақмарал Бақбергенқызының ауыл тарихын суреттеген сценариімен сомдалған көрінісін тамашалады.
 | Ұқсас жаңалық  |
Мерекелі ауыл тұрғындарын аудан әкімі С.Мақашов құттықтап, жылы лебіздерін білдірді. Сонымен қатар, бір топ ауыл тұрғындарына алғыс хат тапсырды. Содан кейін сахна төріне көтерілген Еңбек Ері Сәлима Жұмабекова, профессор Темірхан Тебегенов, еңбек ардагері Тұрабай Сәметов және шаруашылық директоры Жомарт Жалғасбаевтар ақжарлықтар мен қонақтарға ыстық ықыластарын айтып, Темірхан Тебегеновтың "Ақжарым-алтын бесігім" атты кітабының тұсау кесу рәсімін жасады.
Дүбірлі тойды түйе балуандар күресі жалғастырды. Балуандар белдесуіне 12 балуан қатысып, оның қорытындысымен қармақшылық Марат Баймаханов түйе балуан атанса, ал Ержан Абдуллаев жүлделі үшінші орынды иемденіп, демеушілер тағайындаған марапаттарға ие болды.Ұқсас жаңалық  |  |
