Ақжар ауылының құрылғанына 60 жыл мерекелік шараның бірінші күнінің кешінде ауыл орталық алаңында тұрғындар мен қонақтарға арнап, облыстық филармония əншілері мен Сырдария ауданынан келген "Сырдария" квартеті жəне аудандық мəдениет үйінің көркемөнерпаздарының қатысуымен гала концертке ұласты. Ал, концерт соңында тұрғындар отшашуды тамашалады.
Еңбек Ері Қасымтай Ізтілеуұлының туғанына 110 толуына байланысты ұйымдастырылған шараның екінші күні ауылдық клуб үйінде "Еңбек пен ерліктің ерен үлгісі" атты ғылыми-танымдық конференциясы өтті. Конференцияда аудан əкімінің орынбасары Еркебұлан Меңлібаев, профессор Темірбек Тебегенов, Еңбек Ері, Батыр ана Сəлима Жұмабекова, Ақжар ауылының алғашқы төрағасы Ə.Бөлегеновтың баласы Серік Бөлегенов, "Темірбек Жүргенов" атындағы қордың төрағасы Сəпен Аңсатов, еңбек ардагері, ауыл тумасы Темірбек Барахатов, еңбек ардагері Тынышкүл Дəлиева жəне басқа да азаматтар сөз сөйлеп, лебіздерін білдірді.
Н.Жанәділов
