Пара алғаны үшін айыппұл жазасы тағайындалды

Қармақшы аудандық сотында азамат Г-ға қатысты қылмыстық іс қаралды.

Сотта анықталғандай, сотталушы Г. лауазымды адам бола тұра, өзінің қызмет бабын пайдаланып, қызметтік өкілеттігіне кіретін және лауазымдық жағдайына байланысты осындай әркеттерге ықпал ете алатын әрекеті үшін ақша түрінде жеке өзі айтарлықтай мөлшерде пара алған.
Сот үкімімен сотталушы Г. Қазақстан Республикасы Қылмыстық Кодексінің 366-бабының 2-бөлігімен кінәлі деп танылып, мемлекеттік қызметте, судья қызметін, жергілікті өзін-өзі басқару органдарында, Қазақстан Республикасының Ұлттық Банкінде және оның ведомстволарында, мемлекеттік ұйымдарда және жарғылық капиталында мемлекет үлесі елу пайыздан асатын ұйымдарда, оның ішінде акционері мемлекет болып табылатын ұлттық басқарушы холдингтерде, ұлттық холдингтерде, ұлттық компанияларда, ұлттық даму институттарында, дауыс беретін акцияларының (қатысу үлестерінің) елу пайыздан астамы өздеріне тиесілі олардың еншілес ұйымдарында, сондай-ақ дауыс беретін акцияларының (қатысу үлестерінің) елу пайыздан астамы аталған еншілес ұйымдарға тиесілі заңды тұлғаларда лауазымдарды атқаруға өмір бойына айыра отырып, 21 000 000 (жиырма бір миллион) теңге айыппұл тағайындалды.
Үкім заңды күшіне енген жоқ.

Қайнар: 
Қармақшы аудандық сотының баспасөз қызметі