«Тарлан тарих тағылымы»

«Нұр Отан» партиясы Байқоңыр филиалының ұйымдастыруымен «Тарлан тарих тағылымы» партиялық жобасы аясында бір топ жастарды Қазақстан халқының рухани-мәдени құндылықтарымен таныстырып өтті.

Шара барысында №272 орта мектебінің тарих пәнінің мұғалімі Кунхожаев Самат Халқымыздың ежелгі өмірін егжей-тегжей түсіндіріп, көне жәдігерлерге, киелі орындарға жан-жақты тоқталып өтті.

– Елбасы «Болашаққа бағдар: рухани жаңғыру» бағдарламалық құжатында азаматтардың мәдени және руха…ни жаңғыруы жайлы ерекше атап өткен. Жас буынның жан-жақты мәдени сауатын ұдайы жетілдіріп тұру қажет. Олардың бос уақыттарында көркем әдебиет оқуына, мәдени ошақтардың тыныс-тіршілігімен танысуына қолдау көрсету керек. Біз әрдайым партиялық жобаларды басшылыққа ала отырып, осындай іс-шараларды өткізіп тұрамыз. Жастардың патриоттық сезімін қалыптастыру, еліміздің тарихымен жете таныстыру өте маңызды, – деді «Нұр Отан» партиясы Байқоңыр филиалы төрағасының бірінші орынбасары Бекпанов Бақытбек.

Өз кезегінде жастар арнайы экскурсия ұйымдастырғаны үшін партиялықтарға алғыстарын білдіріп, еліміздің тарихымен танысу барысында көптеген қажетті ақпарат алғандарын жеткізді.