«Тарлан тарих тағылымы»
«Қармақшы өңіріндегі киелі орындар мен ескерткіштер» тақырыбында тарихи танымдық шара өткізілді.
«Нұр Отан» партиясы Қармақшы аудандық филиалының «Тарлан тарих тағылымы» партиялық жобасы аясында «Теміржол» БПҰ-на қарасты «Жыраулар үйі» топтық ұйымының ұйымдастыруымен №121 мектеп оқушылары мен үйірме мүшелерін қатыстыра отырып «Рухани жаңғыру - ұлт қуаты» тарихи танымдық тақырыбында тарихи танымдық дәріс өткізілді.
Шараның басты мақсаты жастардың рухани-мәдени құндылықтарын бойына сіңіріп, қазақ халқының төл тарихын зерделеу арқылы Отан сүйгіштікті нығайту, халқымыздың қастерлі мұраларына сүйене отырып ХХІ ғасырдың жаһандық картасында ешкімге ұқсамайтын, дербес орны бар ұлттың ұрпағын қалыптастыруға үлес қосу.
Шара барысында «Теміржол» БПҰ төрағасы, тарихшы-өлкетанушы А.Скендиров өлке тарихы туралы және аудандағы ежелгі ескерткіштер мен көне жәдігерлерге, киелі орындарға жан-жақты тоқталып өтті.
