«Президенттің бес әлеуметтік бастамасы»

«Нұр Отан» партиясы Қармақшы аудандық филиалының «Жосалы» бастауыш партия ұйымында Елбасы Н.Ә.Назарбаевтың «Президенттің бес әлеуметтік бастамасы» атты халыққа үндеуін талқылау мақсатында дөңгелек үстел отырысы болып өтті. Шараны «Жосалы» бастауыш партия ұйымының төрағасы, ауыл әкімі С.Ескалиева ашып Елбасы Н.Ә.Назарбаевтың «Президенттің бес әлеуметтік бастамасы» атты халыққа үндеуі тәуелсіз еліміз үшін тағы бір игі бастамалардың бірі болмақ. Әрине барлығы Елбасымыздың бізді дұрыс жолға бағыттап, бағдар беріп отыруының арқасы деп ойлаймын. Мәселен «Рухани жаңғыру» бағдарламасының орындалу барысында елімізде көптеген игі оқиғалар, оң өзгерістер орын алуда. Елбасымыздың бұл жолғы Үндеуі де өз кезегінде сәтті қадамдардың бірі болатынына сенемін. Елімізде шағын және орта бизнесті қолдау бұрыннан келе жатқан үрдіс. Елбасымыздың төртінші бастамасы: «Шағын несие беруді көбейту» өзін-өзі еңбекпен қамтыған жатқан шағын кәсіпкерліктер мен жұмыссыз тұрғындардың арасында жаппай кәсіпкерлікті дамытуға арналып жасалынып жатқан жұмыстарға жеңілдетілген шағын несие беру неғұрлым тиімді тетік болатыны сөзсіз. Біз де өз тарапымыздан Елбасымыздың осы Үндеуіне қолдау көрсету мақсатында жергілікті тұрғындар мен бизнес өкілдерінің арасында түсіндіру жұмыстарын жүргізуіміз қажет деп қорытындылады.