ТҮНГІ МЕЗГІЛДЕГІ ТӘРТІП ТАЛАБЫ НАЗАРДАН ТЫС ҚАЛМАЙДЫ

Қоғамдық тәртіпті сақтау, құқықбұзушылықтың алдын алу және жасөспірімдер қауіпсіздігін қамтамасыз ету мақсатында кезекті түнгі рейдтік іс-шара ұйымдастырылды.

Аудан әкімінің тапсырмасына сәйкес «Заң мен тәртіп» қағидаты аясында өткен шараға аудан әкімдігі, аудандық прокуратура, аудандық полиция бөлімі. білім саласының мамандары мен жауапты мекеме қызметкерлері қатысты.

Рейд барысында аудан орталығындағы жастар жиі жиналатын қоғамдық орындар, ойын-сауық орталықтары, компьютерлік клубтар, сауда орындары назарға алынды.

Сонымен қатар кәмелетке толмаған жасөспірімдермен түсіндірме жұмыстары жүргізіліп, кәсіпкерлік нысан иелеріне заң талаптарын сақтау, жасөспірімдердің түнгі уақытта заңды өкілдерінсіз жүруіне жол бермеу жөнінде ескертулер айтылды.