ТҮНГІ РЕЙД ЖҰМЫСТАРЫ ЖҮЙЕЛІ ЖАЛҒАСУДА

Аудан әкімінің тапсырмасымен «Заң мен Тәртіп» аясында жастар мен жасөспірімдер арасында құқықбұзушылықтың және қылмыстың алдын алу мақсатында түнгі рейд жұмыстары тұрақты жүргізілуде.

Кезекті рейдтік шараға аудан әкімдігі, мектеп директорлары, аудандық прокуратура, аудандық полиция бөлімінің қызметкерлері қатысты. Сондай-ақ аудан орталығындағы ойын-сауық орындары, компьютерлік клубтар, дүкендер мен кафелер араланып, кәмелетке толмаған жасөспірімдердің түнгі уақытта заңды өкілдерінсіз жүрмеу бағытында түсіндірме жұмыстары жүргізілді.

Шара барысында жасөспірімдерге Қазақстан Республикасының заңнамасына сәйкес, түнгі 23:00-ден кейін үлкендердің қарауынсыз қоғамдық орындарда жүруге тыйым салынатыны жеткізілді.