ЗАҢҒА ҚҰРМЕТ – ТӘРТІПТЕН БАСТАЛАДЫ

Қармақшы ауданында аудан әкімінің тапсырмасына сәйкес «Заң мен тәртіп» қағидаты аясында жастар мен жасөспірімдер арасындағы құқықбұзушылықтың алдын алып, қоғамдық қауіпсіздікті нығайту бағытында кезекті түнгі рейд жұмыстары ұйымдастырылды.

Жасөспірімдердің бойына заңға құрмет пен жауапкершілік сезімін қалыптастыру мақсатында ұйымдастырылған рейдтік іс-шараға аудан әкімдігі, құқық қорғау органдарының өкілдері, білім саласының жауапты мамандары және тиісті мекеме қызметкерлері қатысты.

Шара барысында аудан орталығындағы жастар көп шоғырланатын қоғамдық орындар, ойын-сауық нысандары, компьютерлік клубтар, сауда орындары мен тұрғын үйлердің аулалары бақылауға алынды. Сонымен қатар жасөспірімдермен және кәсіпкерлік нысан иелерімен заң талаптарын сақтау жөнінде түсіндіру жұмыстары жүргізілді.

Қармақшы ауданы әкімінің баспасөз қызметі