Жаңа қызметке тағайындалды
Аудан әкімінің өкімімен Қармақшы аудандық қоғамдық даму бөлімінің басшысы қызметіне Жұмабаев Жамбыл Болатұлы тағайындалды.
Жамбыл Болатұлы 1984 жылы Қармақшы ауданында дүниеге келген.
2006 жылы «Болашақ» университетін «Құқықтану» мамандығы бойынша бітірген.
Алғаш еңбек жолын 2007 жылы Қармақшы аудандық сотының жетекші маманы болып бастады.
Одан кейінгі жылдары Қармақшы аумақтық бөлімшесінің сот орындаушысы, аудандық жұмыспен қамту орталығының инспекторы, Қызылорда облысы Кәсіпкерлер палатасының Қармақшы аудандық филиалының директоры, аудандық кәсіпкерлік, өнеркәсіп және туризм бөлімінің басшысы, Төретам кентінің әкімі қызметтерін атқарған.
2024 жылдан бүгінге дейін Шәмшат Төлепова атындағы Қармақшы аудандық мәдениет үйінің директоры қызметін абыроймен атқарып келді.
