Жаңа қызметке тағайындалды

Аудан әкімінің өкімімен «Қармақшы аудандық мәдениет және тілдерді дамыту бөлімінің» басшысы қызметіне Нысанбаев Ғарышбек Бауыржанұлы тағайындалды.

Ғарышбек Бауыржанұлы 1984 жылы Қармақшы ауданында дүниеге келген.

2005 жылы Қорқыт ата атындағы Қызылорда мемлекеттік университетін «Құқық, тарих және экономика негіздері» мамандығы бойынша бітірген.

Алғашқы еңбек жолын 2007 жылы Қармақшы аудандық ішкі саясат бөлімінің әлеуметтанушысы қызметінен бастаған.

Одан кейінгі жылдары аудандық ішкі саясат бөлімінің жетекші және бас маманы, Қармақшы аудандық қоғамдық даму бөлімінің басшысы лауазымын атқарды.

2024 жылдан бастап бүгінгі күнге дейін Тәйімбет Көмекбаев ауылдық округінің әкімі қызметін абыроймен атқарып келді.