Жаңа қызметке тағайындалды

Қармақшы ауданы әкімінің өкімімен Конкурстық комиссия қорытындысы негізінде, 2025 жылғы 14 тамыздан бастап Ержанов Дәурен Дауылбекұлы «Қармақшы аудандық мәдениет және тілдерді дамыту бөлімінің» басшысы қызметіне тағайындалды.

Дәурен Дауылбекұлы 1984 жылы Қызылорда облысы Қармақшы ауданы Жосалы кентінде дүниеге келген.

2002 жылы Қызылорда облыстық Сейхун академиясына оқуға түсіп, 2007 жылы тарих, құқық және экономика негіздері пәндерінің мұғалімі мамандығын бітіріп шықты.

Еңбек жолын 2009-2015 жылдары Қызылорда облыстық тарихи-өлкетану музейі Қорқыт-Ата филиалының ғылыми қызметкері болып бастаған.

Одан кейінгі жылдары Қармақшы аудандық тарихи-өлкетану музейі КМҚК-ның директоры, Қызылорда облыстық тарихи – өлкетану музейі КМҚК-ның Қармақшы аудандық тарихи –өлкетану музей филиалының меңгерушісі жұмысын атқарған.

2020-2024 жылдары Қармақшы аудандық мәдениет және тілдерді дамыту бөлімінің басшысы қызметін атқарды.

2024 жылдан бүгінгі күнге дейін Қармақшы аудандық сайлау комиссиясының төрағасы қызметін абыроймен атқарып келді.