Жаңа қызметке тағайындалды
Қармақшы ауданы әкімінің өкімімен Конкурстық комиссия қорытындысы негізінде, Қармақшы аудандық кәсіпкерлік және өнеркәсіп бөлімінің басшысы лауазымына Әбдіқасов Рауан Мұрсалұлы тағайындалды.
Рауан Мұрсаұлы 1984 жылы Қармақшы ауданы, Қуаңдария ауылдық округінде дүниеге келген.
2005 жылы Қорқыт ата атындағы Қызылорда мемлекеттік университетін «Бухгалтерлік есеп және аудит» мамандығы бойынша бітірген.
Алғаш еңбек жолын 2006 жылы «Банк Центр Кредит» акционерлік қоғамында есепші болып бастаған.
Одан кейінгі жылдары Жосалы кенті әкімі аппаратының есепшісі, Қармақшы аудандық ветеринариялық бөлімінің есепшісі, Жосалы кенті әкімі аппаратының бас маманы, Жосалы кенті әкімі аппаратының экономика және қаржы бөлімінің басшысы қызметін атқарған.
2024 жылдың 19 шілдесінен бүгінгі күнге дейін аудандық жұмыспен қамту және әлеуметтік бағдарламалар бөлімінің басшысы қызметін абыроймен атқарып келеді.
