Т.Көмекбаев ауылдық округі әкімі тағайындалды
2024 жылдың 15 қыркүйек күні Тәйімбет Көмекбаев ауылдық округі әкімінің сайлауы қорытындысы нәтижесімен Көмекбаев ауылдық округінің әкімі қызметіне Нысанбаев Ғарышбек Бауыржанұлы сайланды.Ғарышбек Бауыржанұлы Нысанбаев 1984 жылдың 1 қыркүйегінде Қызылорда облысы, Қармақшы ауданы, Қуаңдария ауылында дүниеге келген.
Жосалы кентіндегі №121 орта мектепте білім алған.
2001-2005 жылдары аралығында Қорқыт ата атындағы Қызылорда Мемлекеттік университетінде «Тарих, құқық және экономика негіздері пәнінің мұғалімі» мамандығы бойынша жоғары білім алған.
2005-2007 жылдары Жосалы кентіндегі Ш.Уәлиханов атындағы №26 орта мектепте тарих пәнінің мұғалімі болып ұстаздық еткен.
2007-2012 жылдар аралығында Қармақшы аудандық ішкі саясат бөлімінің әлеуметтанушы маманы, 2012-2015 жылдар аралығында Қармақшы аудандық ішкі саясат бөлімінің жетекші маманы, 2015-2022 жылдары Қармақшы аудандық ішкі саясат бөлімінің бас маманы болып қызмет жасаған.
2022-2023 жылдар аралығында Қармақшы аудандық ішкі саясат бөлімінің басшысы, 2023-2024 жылдары бөлім атауының өзгеруіне байланысты Қармақшы аудандық қоғамдық даму бөлімінің басшысы қызметін атқарған.
