Жалгасбай Владимир Жосалы ауылдық округінің әкімі ретінде сайланды. Сайлауға «AMANAT» партиясынан ұсынылған.

Владимир Жақсылықұлы 1972 жылы Қармақшы ауданы, Ақжар ауылдық округінде дүниеге келген.

1994 жылы Қорқыт ата атындағы Қызылорда педагогикалық институтын «Тарих пәнінің мұғалімі», 2006 жылы Қазақ гуманитарлық Заң университетін «Заңгер» мамандығы бойынша бітірген.

Алғаш еңбек жолын 1989 жылы Жосалы ауылында құрылыс бригадасында жұмысшы болып бастаған. 1994-2009 жылдар аралығында №199 мектепте тарих пәнінің мұғалімі және 2009 жылдар бері Жосалы ауылдық округі әкімі аппаратының инспекторы, бас маманның уақытша міндетін атқарушы, бас маман қызметтерін абыроймен атқарып келді.