Қармақшы ауданы әкімі М.Қалдарбековтың өкімімен Алдамұратов Мұрат Жұмаділұлы «Қазақстан Республикасындағы жергілікті мемлекеттік басқару және өзін-өзі басқару туралы», «Қазақстан Республикасының мемлекеттік қызметі туралы» Қазақстан Республикасының Заңдарына сәйкес 2021 жылдың 18 наурызынан бастап Дауылкөл ауылдық округі әкімінің лауазымымен көзделген міндеттерді уақытша атқаруға міндетті арнайы тексеруден өткені туралы нәтижелерді алған күніне дейін еңбек шарты негізінде қызметіне қабылданды.

Алдамұратов Мұрат Жұмаділұлы 1977 жылы Қызылорда облысы, Қармақшы ауданында дүниеге келген.

2002 жылы Қазақ академиялық университетінде «Заңгер» мамандығы бойынша жоғары білім алған.

Алғаш еңбек жолын 1995 - 1996 жылдары Қармақшы ауданы Ленин серіктестігінде жұмысшы болып бастаған.

1997 – 1998 жылдары «Жеті асар» сенім серіптестігінде жұмысшы, Қармақшы ауданы;

2004 – 2008 жылдары Дауылкөл ауылдық округі әкімі аппаратының маманы;

2008 – 2015 жылдары Дауылкөл ауылдық округі әкімі аппаратының жетекші маманы;

2015 жылдан бастап осы уақытқа дейін Дауылкөл ауылдық округі әкімі аппаратының бас маманы қызметін абыроймен атқарып келді.