Аудандық құрылыс, сәулет және қала құрылысы бөлімінің басшысы тағайындалды

Қармақшы ауданының әкімі М.Қалдарбековтің өкімімен Әнуар Айдын Серікұлы "Қазақстан Республикасындағы жергілікті мемлекеттік басқару және өзін – өзі басқару туралы" Заңы мен "Қазақстан Республикасының мемлекеттік қызметі туралы" Заңына сәйкес, Қармақшы аудандық құрылыс, сәулет және қала құрылысы бөлімінің басшысы лауазымымен көзделген міндеттерді уақытша атқаруға міндетті арнайы тексеруден өткені туралы нәтижелерді алған күніне дейін еңбек шарты негізінде қызметке қабылданды.

Әнуар Айдын Серікұлы 1990 жылы Қызылорда облысы, Қармақшы ауданында дүниеге келген.

2014 жылы Қорқыт Ата атындағы Қызылорда мемлекеттік университетінде "Техника және технология бакалавры" құрылыс мамандығы бойынша жоғары білім алған.

Алғаш еңбек жолын 2008 - 2011 жылдары "СКА СтройПроект" ЖШС-де техник-жобалаушы болып бастаған.

2011-2014 жылдары "Эталон" ЖШС-де келісім-шарт жасау бөлімінің менеджері;

2014-2018 жылдары "Респроект" ЖШС-де бас инженер;

2018-2020 жылдары "Ырыс-Даулет" ЖШС директоры;

2020 жылдан бастап осы кезеңге дейін Қармақшы ауданы әкімі аппаратының ұйымдастыру және инспекторлық жұмыс бөлімінің әдіскері қызметін абыроймен атқарып келді.