Қармақшы ауылдық округінің әкімі сайланды
Есқараев Аязбек Қармақшы ауылдық округінің әкімі ретінде сайланды. Сайлауға өзін-өзі ұсыну жолымен түскен.
Аязбек Тайжанұлы 1978 жылы Қызылорда облысы, Қармақшы ауданында дүниеге келген.
2003 жылы Қызылорда экономика, экология және құқық академиялық университетінде «Экономист-финансист» мамандығы бойынша жоғары білім алған.
Алғаш еңбек жолын 2002-2003 жылдары «Жосалы-Мұнай» ашық акционерлік қоғамы мекемесінде маман болып бастаған.
2004-2006 жылдары №79 орта мектебінде есепші, 2006-2020 жылдары Қармақшы ауылдық округі әкімінің аппаратының бас маманы қызметінде болған.
2020 жылдан бастап осы уақытқа дейін Қармақшы ауылдық округі әкімінің қызметін абыроймен атқарып келді.
