ЖОЛ ҚАУІПСІЗДІГІ – БАСТЫ НАЗАРДА
Т.Көмекбаев атындағы №250 мектеп-лицейінде оқушылар арасында жол-көлік оқиғаларының алдын алу және жолда жүру мәдениетін қалыптастыру мақсатында түсіндірме жұмыстары жүргізілді.
Қармақшы АПБ-нің ҚҚБ-нің ЮПТ-ның УПИ-ры, полиция аға лейтенанты Жақсылықов Ерсұлтан Ерболұлы мен директордың тәрбие ісі жөніндегі орынбасары Бертілеуов Серғали тәрбие сағаттарын аралап, оқушыларға жол қауіпсіздігі ережелерін түсіндірді.
Кездесу барысында жолдан қауіпсіз өту, жаяу жүргіншілерге арналған ережелерді сақтау, бағдаршам белгілеріне бағыну және көшеде абай болу жөнінде маңызды ақпараттар айтылды.
Сонымен қатар оқушыларға жол қозғалысы ережелерін сақтау – әр адамның қауіпсіздігі үшін маңызды екені ескертілді.
