“Қауіпсіз жол!” жедел-профилактикалық іс-шарасы

2025 жылдың 15 қыркүйек - 30 қыркүйек аралығында өткізіліп отырған «Қауіпсіз жол!» жедел-профилактикалық іс-шарасы аясында, Жосалы кентіндегі №27 орта мектеп оқушыларына бөлімнің ювеналды полиция тобының инспекторы полиция капитаны Ж.Аликулов пен патрульдік полиция тобының қызмет инспекторы полиция кіші лейтенанты Н.Утемуратов мектеп оқушыларына жол қозғалысы ережелерін түсіндіріп, қауіпсіздік шараларын кеңінен таныстырды.

Балалардың жолда жүру мәдениетін қалыптастыру, жол-көлік оқиғаларының алдын алу және жасөспірімдердің өмірін қорғау – басты мақсат болып табылады.

Осындай шаралар арқылы оқушыларға жаяу жүргінші ретінде өзін дұрыс ұстау, бағдаршам белгілерін сақтау, жолдан өту ережелерін үйрету ерекше назарға алынды.

Әрбір баланың қауіпсіздігі – ортақ міндет!