qarmaqshy-tany.kz Аудан жолдарындағы қауіпсіздікті артып, жол-көлік оқиғаларының алдын алу және жол қозғалысы ережелерін өрескел бұзушылықтардың жолын кесу мақсатында ағымдағы жылдың 29 маусым – 1 шілде аралығында аудан көлемінде «Қауіпсіз жол» жедел-профилактикалық іс-шарасы өткізілуде.

Полиция қызметкерлері мас күйінде көлік жүргізуге байланысты құқық бұзушылықтарды анықтауға және жолын кесуге, төтенше жағдайды жасауға, басып озу, жол қозғалысы, қиылыстар мен жаяу жүргіншілер өткелдеріне, қауіпсіздік белдіктерін пайдаланбауға және ұялы телефонмен сөйлесуге байланысты ережелерді бұзғандарды анықтауға назар аударады.

Қармақшы ауданы полиция бөлімінің қызметкерлері профилактика барысында жол қозғалысы қауіпсіздігін қамтамасыз етуге, жаяу жүргіншілер тарапынан жасалған жол қозғалысы ережелерінің сақталуына қадағалау жасайды.

Сонымен қатар, полиция қызметкерлері жүргізушілерге және жол қозғалысының барлық қатысушыларына жолда жүру ережелерін қатаң сақтауды ескертеді.

Қармақшы ауданы полиция бөлімінің

Жергілікті полиция қызметі бөлімшесі