Бала өмірінің қауіпсіздігі басты назарда

№106 орта мектеп оқушыларымен Жасөспірімдердің жол қауіпсіздігін сақтау мақсатында түсіндірме жұмысы өткізілді. Түсіндірме жұмысының басты мақсаты-оқушылардың жол қауіпсіздігін сақтау, жол ережелеріндегі басты қағидалармен таныстыру арқылы олардың өмір қауіпсіздігін сақтау. Түсіндірме жұмысы барысында мектеп оқушылары жол қауіпсіздігі тұрғысындағы бейнекөріністерді тамашалады. Іс-шараның екінші кезеңінде АКТ арқылы оқушылар жол қауіпсіздігіне байланысты берілген тестке жауап берді. Оқушылардың басым бөлігі жол қауіпсіздігінің шараларын жақсы білетіндіктерін көрсетті. Іс-шараны мектеп директорының тәрбие ісі жөніндегі орынбасары Гүлжазира Тұрсынқызы қорытындылап, оқушылар өміріндегі жол ережелерін сақтау олардың өмірінің ең маңызды әрі басты қауіпсіздігі екенін ерекше атап өтті.